Te pūtea tūnuku ki ngā kura Māori
E māraurau ana ngā Kura Māori e whakaako ana i raro i te wāhanga 201, i te wāhanga 204 rānei o Te Ture Mātauranga me te Whakangungu 2020 kia whai pūtea hei āwhina ki te hari i ngā ākonga.
| TE TAUMATA O TE TŪTOHUNGA | NGĀ KAIPĀNUI MATUA | ĒTAHI ATU TĀNGATA |
|---|---|---|
|
Te whakamōhio
|
|
|
Read the English version of this page
Te Tirohanga Whānui
Me matua whakatutuki ngā kura i ngā paearu e whai ake nei e māraurau ai rātou mō te tahua āwhina kura Māori me matua whai ngā kura i tētahi āhua tautapaina i raro i tekiona 204 o te Ture Mātauranga me te Whakangungu 2020 e whakarato ana i tētahi mātauranga kaupapa Māori ( Hei tauira atu, Kura Kaupapa Māori, Kura ā-iwi, Wharekura rānei).
Te Wāhanga 204 – Te Ture Mātauranga me te Whakangungu 2020(external link)
Te Māraurautanga
Me 3.2km (Tau 1-8), me 4.8km (Tau 9-13) rānei, me kō atu rānei te tawhiti o te wāhi noho o ngā ākonga i ō rātou Kura, i ō rātou Kura Kaupapa Māori, i ō rātou Wharekura rānei.
Te Pūtea
Ka tōmua te tukua o te pūtea āwhina ki ngā Kura Māori hei hari i ngā ākonga ki ngā poari o ngā kura i ia hauwhā o te tau, ā, ka arotakehia i ia tau.
Me mātua whakamahi ngā kura i ēnei pūtea kia haria ngā ākonga e māraurau ana i te kura, ki te kura hoki.
Te tukanga whakatau i te pūtea ki ia kura
E whai ake nei te ara e tātaia ai te tapeke o te pūtea ka tukua ki ia kura i ia hauwhā o te tau:
Ngā rārangi pūtea
Ka hāngai ngā utu e whai ake nei ki te 1 o Hūrae 2023 ki te 30 o Hune 2024
| TE KARANGATANGA | REITI – kāore i whakahāngaitia he pikinga utu taraiwa* | REITI – whai pikinga utu taraiwa whakahāngai* |
|---|---|---|
| I te taiwhenua / Te Waengahuru 1-4 (te utu i ia ākonga) | $10.6471 | $10.9365 |
| I te taiwhenua / Te Waengahuru 5-10 (te utu i ia ākonga) | $7.9265 | $8.1420 |
| I te tāone / Te Waengahuru 1-4 (te utu i ia ākonga) | $7.6920 | $7.9011 |
| I te tāone / Te Waengahuru 5-10 (te utu i ia ākonga) | $6.2146 | $6.3835 |
| Te utu i ia hauwhā o te tau mō ngā kaiwhakahaere | $3.35 i ia ākonga e māraurau ana | $3.35 i ia ākonga e māraurau ana |
*I te mārama o Kohitātea 2023, i whakaratoa he pūtea tāpiri hei whakarite kia kore ai ngā reiti utu o ngā kaitaraiwa pāhi kura e rerekē ki ngā reiti utu o ngā kaitaraiwa pāhi tūmatanui. Kua whakamahia tēnei tahua ki ngā takiwā tērā e tino kitea ana he nui ake ngā utu waka tūmatanui e ai ki ngā ratonga pāhi kura whakataurite, a, kua whakamahia kē e te takiwā ngā whakapikinga utu.
Ka arotakehia ēnei utu i ia tau. Ka whai wāhi atu ngā arotakenga ki ngā utu hāereere, ka hāngai hoki ki ngā raraunga me ngā tukanga a Waka Kotahi hei whiriwhiri i ngā panonitanga mō ngā utu ka whakaurua.
Te hurihanga o te arotakenga pūtea
I a Māehe i ia tau, ka mahi tahi mātou ko ngā kura ki te arotake i te tokomaha o ā rātou ākonga e māraurau ana.
Ka whakatinanahia ngā panonitanga ka puta i ēnei arotakenga i te Hauwhā Tuarua (Āpereira).
Te tono pūtea
Whakapā mai ki a mātou ki: School.Transport@education.govt.nz
Last reviewed: Has this been useful? Give us your feedback