Kua tae ki te wā hei whakahōu i te New Zealand Curriculum

E mea ana mātou ki te whakahou i te marautanga ā-motu mō ngā kura, kia kākano rua, kia kapi ngā tāngata katoa, kia mārama tāna tūtohu i ngā akoranga hira rawa, kia ngāwari atu hoki ki te whakamahi.

E mea ana mātou ki te whakahou i te marautanga ā-motu mō ngā kura, kia kākano rua, kia kapi ngā tāngata katoa, kia mārama tāna tūtohu i ngā akoranga hira rawa, kia ngāwari atu hoki ki te whakamahi. Ka haere tēnei mahi whakahou mō ngā tau e rima, ā i roto i tēnei haerenga, ka rapua he kōrero mai i ngā kaiarataki kura, i ngā kaiako, i ngā mātua me ngā whānau.

He aha te hua o tēnei whakahoutanga marautanga māu, mā tō tamaiti hoki?

  • Ka whakatairangatia te tuakiri, te reo, me te ahurea o tō tamaiti
  • Ka mārama ngā āhuatanga e tika ana kia mōhio, kia mārama, kia mahi tō tamaiti, puta noa i ngā tau katoa i te kura
  • Ka mārama kē atu koe ki te ahunga whakamua o tō tamaiti me ōna hiahia.
  • Ka tautokona te kaiako o tō tamaiti kia tautohu, kia āwhina hoki i ngā pūmanawa, i ngā moemoeā me ngā matea o tō tamaiti

He aha e mahia nei e mātou ēnei mahi?

I roto i ngā tau e toru ka taha ake nei, kua tuku pōwhiri mātou ki ngā mātua, ki ngā whānau me ngā ākonga, kia tāpae whakaaro mai mō te marautanga ā-motu mō ngā kura, mā ngā kōrerorero pēnei i te Kōrerorero Mātauranga me te arotake NCEA. Kua rongo mātou i ngā whakaaro o ētahi e kī ana, tērā ōna wāhi e tika ana kia hurihia, me arotahi hoki ki:

  • Ngā tuakiri, ngā reo, ngā ahurea me te toiora o te tamariki
  • Ngā akoranga hira rawa
  • Te whakanui i te kahupapa kākano rua o Aotearoa
  • Ētahi wheako ako hāngai ki te katoa, e āwhina nei i ngā matea o te tamariki me te taiohi
  • Te whai wāhanga mai o ngā mātua i roto i te akoranga o ā rātou tamariki, kia pai ake hoki ngā pūrongo mai i ngā kaiako mō te ahunga whakamua o ā rātou tamariki

He aha te New Zealand Curriculum?

Tā te New Zealand Curriculum he ārahi i te akoranga o tō tamaiti i te kura. Mā reira ka ngāwari te hoahoa o ngā kaiako i te marautanga kura mā te mōhio pū ki ngā akoranga tika mā tō tamaiti i ō rātou tau i te kura. Ka ākona i ngā kura katoa o Aotearoa kei reira te akoranga i te reo Pākehā. Ka tuia e ngā kaiako te New Zealand Curriculum ki roto i ngā āhuatanga ā-rohe, mā ngā horopaki ā-takiwā, hei whakawhanake kaupapa ako mō ā rātou ākonga.

  • E rua ngā wāhanga o te marautanga ā-motu mā ngā ākonga kura tuatahi, tauwaenga, tuarua hoki:
  • Tuatahi ko te New Zealand Curriculum, e whakaakona nei ki ngā kura arareo Ingarihi
  • Tuarua ko te Marautanga o Aotearoa e whakaakona nei ki ngā kura arareo Māori me ngā wharekura

He aha ngā mea hōu?

Ka mārama te New Zealand Curriculum kua oti te whakahou mō ngā akoranga hira me te āta whakamārama i te āhua o te ahunga whakamua. Ka kaha ake te tautoko i te kaiako, ka whakapūmautia hoki ngā ara e whiwhi pūkenga, pūmanawa, e whiwhi mātauranga ai ngā taiohi katoa ina wehe atu i te kura, e tū rangatira ai rātou i te ao.

I te taha o ēnei painga, ka hopukina te ahunga whakamua o te tamaiti i a ia i te kura, ōna pūmanawa, me ngā wāhi e tika ana kia tautokona, ā, ka haere tahi tonu tēnei pūrongo me te tamaiti.   

E taea ai tēnei te whakatinana, me pēnei te marautanga:

  • Kia tautoko i ngā kura kia whakanuia ngā tuakiri, ngā reo me ngā ahurea o ngā ākonga katoa - e mōhio ai tō tamaiti nōna tūturu te pūnaha mātauranga
  • Kia mārama te katoa ngā akoranga tika mā ngā tamariki katoa  e ahu whakamua ai ngā ākonga katoa me te piki ki ngā taumata.
  • Kia ngāwari mā ngā kura ki te whakamahi, me whakaingoa mārire i ngā mea tika hei mōhio, hei māramatanga hei mahinga mā te ākonga e ahu whakamua ai, e eke ai ki ngā taumata

Last reviewed: Has this been useful? Give us your feedback